FALE ALEA ʻO TONGA
ONGOONGO TUKU ATU
FAKATAHA ‘A E FALE ALEA KE ALEA’I ‘A E FOKOTU’U KE FAKAMALOLOO’I ‘A E ‘EIKI PALEMIA
‘E fakataha ‘a e Fale Alea ‘o Tonga ‘i he ‘aho Tusite 5 ‘o Sepitema, taimi 10:00am ke alea’i ‘a e Fokotu’u ke Fakamaloloo’i ‘a e ‘Eiki Palemia, Hon. Hu’akavameiliku. Ko e fokotu’u foki eni na’e fakahu mai ‘e he Fakafofonga ‘o e Kakai ‘o Tongatapu 5, Hon. Dr ‘Aisake Eke. Kuo fakahu mai ki he ‘Ofisi ‘o e ‘Eiki Sea ‘o e Fale Alea, Lord Fakafanua, ‘i he ‘aho Falaite 1 Sepitema 2023 ‘a e Tali Tohi ‘a e ‘Eiki Palemia ki he ngaahi makatu’unga ‘o e Fokotu’u. ‘E lau ‘a e Fokotu’u ‘i Fale Alea kae pehe ki he Tohi Tali ‘a e ‘Eiki Palemia, pea toki hoko atu ki he feme’a’aki ‘a e Hou’eiki Memipa.
‘E fakamafola hangatonu atu ‘a e fakataha ko ‘eni ‘a e Fale Alea ‘i he tekinolosia (livestream) ‘i he peesi Facebook mo e YouTube ‘a e Fale Alea.
Tuku Atu ʻi he Fakangofua ʻe he Kalake Pule ʻa e Fale Aleá
ʻAho 2 Sepitema 2023
ʻOfisi ʻo e Fale Alea ʻo Tonga, Nuku’alofa, Tonga
