Na'e tapuni 'i he taimi 4:30 efiafi 'o e 'aho ni, Tu'apulelulu 14 'o Tisema 2017, 'a e taimi ne ngofua ke fakahu atu ai ki he 'Ofisi 'o e Sea Fakataimi 'o e Fale Alea 'o Tonga ha fokotu'u mei he Hou'eiki Fakafofonga Fale Alea kuo fili 'o ha Fakafofonga Fale Alea ke hoko ko ha Kanititeiti ki he Palernia Fili. Ko e fokotu'u Kanititeiti Palemia Fili fakakatoa 'e ua (2) ne fakahu atu ki he 'Ofisi 'o e Sea Fakataimi 'o e Fale Alea 'o Tonga.
Ko e 'uluaki fokotu'u na'e fakahu atu ia 'e Hon. Pohiva Tu'ionetoa, Fakafofonga 'o e Kakai 'o Tongatapu 10,'i he 'aho Tusite 5 'o Tisema 2017. Ko e fokotu'u hono ua na'e fakahu atu ia 'e Hon. Samiu Kuita Vaipulu, Fakafofonga 'o e Kakai 'o Vavau 15, 'i he 'aho Tuapulelulu 14 'o TIsema 2017. Ko e fakaikiiki 'o e ngaahi fokotu'u ni 'e toki fakahoko atu pe ia 'e Lord Tangi 'o Vaonukonuka, Sea Fakataimi 'o e Fale Alea, 'i he fakataha 'a e Houeiki Fakafofonga Fale Alea kuo fill te ne ui ke fakahoko ai hono fili 'o e Palemia Fill.
'E toki fanongonongo atu 'e he Sea Fakataimi 'o e Fale Alea 'i he 'aho Falaite 15 'o TIsema 2017 'a e 'aho 'e fakahoko ai 'a 'ene fakataha rno e Hou'eiki Fakafofonga Fale Alea kuo fill. Ko e fakataha eni 'e fakahoko ai hono fili 'e he Houeiki Fakafofonga Fale Alea kuo fili 'a e Palernia Fili, pea hoko atu ai pe ki hono fili 'o e Sea mo e Tokoni Sea 'o e Fale Alea 'o Tonga.
