FALE ALEA O TONGA
ONGOONGO TUKU ATU
FAKATONUTONU ‘O E FAKAMATALA HALA ‘OKU TUFAKI HOLO
FEKAU’AKI MO E NGAUE NA’E FAKAHOKO KI HE
NGAAHI TU’UNGA VAHENGA ‘A E FALE ALEA
Kuo a’utaki mai ki he ‘Ofisi ‘a e Fale Alea ha ngaahi faka’eke’eke ‘o fekau’aki mo ha ngaahi fakamatala hala ‘oku tufaki holo ‘o tukuaki’i na’e ‘ikai tali ‘e he Fale Alea ‘a e ngaahi ngāue ne fakahoko fekau’aki mo e tu’unga vahenga ‘a e Hou’eiki Memipa mo e kau ngāue ‘a e Fale Alea pea mo ha ngaahi kaveinga fekau’aki mo ia.
‘Oku mātu’aki hala ‘aupito ‘a e ngaahi tukuaki’i ko ‘eni ‘oku fakahoko mo ‘ohake ‘i he taimi pelepelengesi ko ‘ení. Na’e ‘ikai fakahoko ha ngāue ta’efakalao ‘i he kaveinga ni. Na’e ‘osi tali ‘a e ngaahi ngāue ko ‘eni ‘e he Fale Alea ‘i he ta’u 2018, ‘o hangē ko e ngaahi fakamatala na’e ‘osi tuku atu kimu’a mei he ‘Ofisi ‘o e Fale Aleá.
Tuku Atu ʻi he Fakangofua ʻe he Kalake Pule ʻa e Fale Aleá
ʻAho 1 ʻo Novema 2022
ʻOfisi ʻo e Fale Alea ʻo Tonga, Nuku’alofa, Tonga
