FALE ALEA ʻO TONGA
ONGOONGO TUKU ATU
FAKAHU ATU KI HE ‘OFISI ‘O E ‘EIKI SEA ‘O E FALE ALEA ‘I HE ‘AHO NI ‘A E FUOFUA TOHI FOKOTU’U KANITITEITI KI HE LAKANGA KO E PALEMIA FILI
Na’e fakahu atu ki he ‘Ofisi ‘o e ‘Eiki Sea ‘o e Fale Alea ‘i he houa efiafi ‘o e ‘aho ni ‘a e fuofua tohi fokotu’u ‘o ha kanititeiti ki he lakanga ‘o e Palemia Fili. ‘E toki fakaha ‘a e hingoa ‘o e kanititeiti ni ‘i hano fakaava ‘o e sila ‘oku tauhi ai ‘a e tohi fokotu’u ni ‘i he fakataha ‘a e Hou’eiki Fakafofonga Kuo Fili ‘e fakahoko ‘i he ‘aho Tusite 24 ‘o Tisema 2024.
‘Oku kei ‘ataa pe ki he Hou’eiki Fakafofonga Kuo Fili ke nau fakahu mai ha toe tohi fokotu’u
‘o ha kanititeiti ki he lakanga Palemia Fili. ‘E toki tapuni ‘a e faingamalie ke fakahu atu ha tohi fokotu’u ki he 4.30pm ‘o e ‘aho Monite 23 ‘o Tisema, 2024.
Tuku Atu ʻi he fakangofua ʻe he ‘Eiki Sea ‘o e Fale Alea ‘o Tongá
ʻAho 20 ‘o Tisema 2024
