FALE ALEA ‘O TONGA

FAKAAFE KI HE KAKAI ʻO E FONUÁ KI HA NGAAHI FOKOTUʻU TOHI (WRITTEN SUBMISSIONS) FEKAUʻAKI MO E LAO FAKAANGAANGA FIKA 11A – 15A/ 2023

ʻOku fanongonongo atu heni ʻe he Kōmiti Tuʻumaʻu ki he Laó ʻa e Fale Alea ʻo Tongá (“Kōmití") ke meaʻi ʻe he Houʻeiki mo e kakai ʻo e fonuá, kuo tuku atu ʻi he uepisaiti ʻa e Fale Aleá (https//:parliament.gov.to) ʻa e Lao Fakaangaanga Fika 11A – 15A/2023, ke mou meʻa kiai pea ke tuku mai ha ngaahi fokotuʻu tohi (written submissions) ʻo fekauʻaki mo e ngaahi lao fakaangaangá ni, ʻo fakatatau ki he Tuʻutuʻuni 131 ʻo e Ngaahi Tuʻutuʻuni ʻo e Ngaahi Fakataha ʻa e Fale Alea ʻo Tongá,

Ko e ngaahi lao fakaangaangá ni ko e:

➢ Lao Fakaangaanga Fika 11A/2023: Lao Fakaangaanga (Fakatonutonu)(Fika 2) ki he Fili Fale Alea 2023
➢ Lao Fakaangaanga Fika 12/2023: Lao Fakaangaanga (Fakatonutonu)(Fika 3) ki he Fili Fale Alea 2023
➢ Lao Fakaangaanga Fika 13/2023: Lao Fakaangaanga (Fakatonutonu)(Fika 4) ki he Fili Fale Alea 2023
➢ Lao Fakaangaanga Fika 14A/2023: Lao Fakaangaanga(Fakatonutonu)(Fika 5) ki he Fili Fale Alea 2023
➢ Lao Fakaangaanga Fika 15A/2023: Lao Fakaangaanga ki he Ngaahi Hia Fili Fale Alea 2023

Ko e ngaahi fokotuʻu tohi kotoa pē ʻa e Houʻeiki mo e kakai ʻo e fonuá ʻe lava ke fakahoko mai ia ʻi hono fakafonu ʻa e foomu fakaʻilekitulōnika ko ʻení Foomu Fokotuʻu Tohi ki he Kōmiti Tuʻumaʻu ki he Laó ʻa e Fale Alea ʻo Tongá (jotform.com),pē ko hono fakahū mai ʻa e fokotuʻu tohí ki he ʻŌfisi ʻo e Fale Alea ʻo Tongá ki Tofoa, Nukuʻalofa ʻi he taimi ngāué, pē fakafou ʻi he ʻīmeilí ki he tuʻasila ʻīmeili ko e This email address is being protected from spambots. You need JavaScript enabled to view it..

Ko e ngaahi fokotuʻu tohi kotoa pē ʻe fakahū mai ki he Kōmití, kuo pau ke ʻi ai ʻa e ngaahi meʻá ni:

i. Fatu ʻi he lea faka-Tongá
ii. Fakahā mahino ʻa e hingoa ʻo e tokotaha ʻoku ne fakahū mai ʻa e fokotuʻu tohí, mo e fika telefoni fetuʻutakí
iii. Fakahā mai ʻa e vāhenga fili ʻoku ke fili aí
iv. Fakamahino ʻa e hingoa ʻo e lao fakaangaanga ʻoku makatuʻunga ai ʻa e fokotuʻu tohí
v. Fakamahino ʻa e kupu pe ngaahi kupu ʻo e lao fakaangaangá ʻoku fekauʻaki mo e fokotuʻu tohí

Kataki fakamolemole ka e fakatokangaʻi ange, ko e polokalama fakamaʻalaʻala (public awareness) mo e polokalama talatalanoa mo e Houʻeiki mo e kakai ʻo e fonuá (public consultation), ʻoku fokotuʻutuʻu ʻe he Kōmití ke fakahoko ia ʻi he ngaahi māhina ʻo Sanuali – Fepueli 2024.

ʻOku ʻatā ke fakahū mai ʻa e ngaahi fokotuʻu tohi kotoa pe ʻoku fekauʻaki mo e ngaahi lao fakaangaanga ki he Kōmiti ʻi he ngaahi founga naʻe fakahā atu ʻi ʻolungá, ka ʻ e ʻ ikai ke toe tomui ange ʻ i he taimi 4:30pm ʻo e ʻ aho 29 ʻo Fepueli 2024.

Ki ha toe fakaʻekeʻeke pe fiemaʻu fakamaʻalaʻala, kataki ʻo telefoni ki he 24-455 pe kohoʻo aʻu tonu mai pē ki he ʻŌfisi ʻo e Fale Alea ʻo Tongá ʻi he taimi ngāué.

 

Tuku atu mei he

Kōmiti Tuʻumaʻu ki he Laó ʻa e Fale Alea ʻo Tongá

ʻAho 16 Novema 2023

• Prev
• Next